Granda votacion al Collègi!

Dimars lo 3 d’octobre 2023, collegianas e collegians prenguèron lo camin de las urnas per elegir lors delegats. Delegats de classa, delegats per la Mission Segondari, es a dire los representents de cada classa als acamps dels cinc establiments segondaris Calandreta, puèi Ecodelegats!
Mas abans, plaça als discorses de campanha: cada candidat prenguèt la praula per anonciar sos projèctes, las valors que menarián sa mission, la vision que se fasiá de son ròtle al servici del grope.
Mercés al material vertadièr que nos prestèt aimablament la Comuna de Tolosa, cada collegian anguèt votar dins las condicions autenticas del burèu d’una votacion oficiala. Isoladors cortinats, Quasernet de Ligason coma pèça d’identitat, verificacion de marcatge sus la tièra dels votants, envelopa dins l’urna, enfin signatura dins lo fenestron del bendèl, res mancava pas!
Pel despolhament, president.as de burèu, assessor.as e secretaris.àrias tenguèron los comptes.
Felicitacion a las elegidas e als elegits !